Danz a Beweegungsraum fir Kleng a Grouss

Titel

Danz a Beweegungsraum fir Kleng a Grouss

Presentatioun

Am Danz a Beweegungsraum kënnen d’Kanner an hier Elteren sech Zäit huelen, fir sech duerch d’Beweegung ze begéinen. 

Mir danzen, sprangen, dréinen a beweegen eis, am Grupp, zu zwee oder eleng. Mol gi mir vun der Musek begleet, mol loosse mir d’Rou op eis wierken. Mir léieren einfach Beweegungsofleef déi mir kënne mat Heem huelen an an eisen Alldag kënnen abauen. Duerch den Danz kenne mir eis mol anescht begéinen, an d‘Rolle vu Grouss a Kleng tauschen. Wien guidéiert a wien gëtt guidéiert? Wien gëtt d’Gewiicht of a wien dréit? Duerch wibbeleg Geschichten, geckeg Faarwen a verschidde Géigestänn erliewe mir d‘Beweegung an ënnerstëtzen d’Entwécklung vun eiser Kreativitéit wéi och vun der Motorik an der Koordinatioun. Och déi Grouss kréien d’Gleenëheet u Mobilitéit, Flexibilitéit a Stabilitéit ze schaffen.

Zum Schluss vun all Cours huele mir eis Zäit fir zesummen ze ootmen an eise Kierper duerch de Kontakt vum Partner ze entspanen.

Fir wien ?

Kanner tëscht 6 Méint an 4 Joer mat hiren Elteren oder enger Bezuchspersoun

Gruppen: Raupen ab 6 Méint, Bonobo ab 12 Méint, Känguru ab 2 Joer

Unzuel u Participanten 

8 Koppelen

Dauer

45 min. 

Sproochen

Lëtzebuergesch, Franséisch, Däitsch, Englesch

Wéini ?

6x Dënschdes: 26.09.2023, 10.10.23, 24.10.23, 7.11.23, 21.11.23, 5.12.23

08h30-09h15 Raupen (ab 6 Méint, fir Kanner déi nach net laafen) 

09h15-10h00 Bonobo (ab 12 Méint, fir Kanner déi scho laafen) 

10h00-10h45 Känguru (ab 2 Joer)